Şuşa Azərbaycan mədəniyyətinin beşiyidir. “Şuşasız Qarabağ, Qarabağsız isə ümumiyyətlə Azərbaycan yoxdur.” Ümummilli lider Heydər Əliyev Şuşanın ölkəmiz üçün dəyərini bu sözlərlə ifadə etmişdir. Alp.az xəbər verir ki, Prezident İlham Əliyevin bildirdiyi kimi Şuşa təkcə şuşalılar üçün yox, bütün azərbaycanlılar üçün, vətənini, millətini sevən hər bir vətəndaşımız üçün əziz bir şəhərdir, əziz bir torpaqdır, əziz bir qaladır, əziz bir abidədir. Bu qala 29 ildən sonra, məhz Ali Baş Komandan İlham Əliyevin rəhbərliyi altında işğaldan azad edildi. Ali Baş Komandan Şuşanın azad edilməsini Azərbaycan xalqına belə çatdırdı.
Əziz Şuşa, sən azadsan!
Əziz Şuşa, biz qayıtmışıq!
Əziz Şuşa, biz səni dirçəldəcəyik!
Şuşa bizimdir! Qarabağ bizimdir! Qarabağ Azərbaycandır!
Bu Azərbaycan xalqının inamının özünə qaytarılması idi. Hərbi ekspert Ramil Məmmədli Şuşanın düşmən qüvvələrindən azad edilməsinin detallarını ARB 24 telekanalına müsahibəsində açıqlayıb. Həmin müsahibəni təqdim edirik.
Şuşa necə azad olundu?- Hərbi ekspert Şuşa əməliyyatının detallarını açıqladı
