Azərbaycanda sənaye məhsullarının istehsalı və yaradılması üzrə ixtisaslaşmış Sumqayıt Texnologiyalar Parkında (STP) tank təmiri müəssisəsi yaradılıb.
Alp.az-ın məlumatına görə, bunu təsdiq edən görüntülər müdafiə sənayesi naziri Vüqar Mustafayev və müdafiə nazirinin müavini – Baş direktor Aqil Qurbanovun rəhbərlik etdiyi nümayəndə heyətinin Sumqayıt Texnologiyalar Parkını (STP) ziyarət edərkən nümayiş olunub.
Foto görüntülərdən məlum olub ki, müəssisə T-72 və T-90 tanklarının təmiri istiqamətində ixtisaslaşıb.
STP-də müdafiə sənayesi üzrə müəssisənin yaradılmasıni, adıçəkilən sektorda yenilik kimi təqdim etmək olar.
Qeyd edək ki, Müdafiə Sənayesi Nazirliyinin mətbuat xidmətinin yaydığı məlumata görə, avqustun 14-də Azərbaycan Respublikasının müdafiə sənayesi naziri Vüqar Mustafayev və Azərbaycan Respublikasının müdafiə nazirinin müavini – Baş direktor Aqil Qurbanovun rəhbərlik etdiyi nümayəndə heyəti Sumqayıt Texnologiyalar Parkını (STP) ziyarət edib. Konfrans zalında keçirilən iclasda STP-nin rəhbər şəxsləri tərəfindən istehsal sahələri, görülmüş işlər, gələcək planlar və ixrac uğurları barədə qonaqlara ətraflı məlumat verilib. Daha sonra STP-nin zavodlarından bir neçəsini ziyarət edən nazirliklərin rəsmiləri müəssisələrdəki şərait, müasir avadanlıqlar, istehsal olunan məhsullar və iş prosesi ilə yaxından tanış olublar.
Xatırladaq ki, bundan başqa Azərbaycan Müdafiə Nazirliyinin tabeliyində tank və digər zirehli texnikaların təmiri üzrə ixtisaslaşmış “N” saylı hərbi 1992-ci ildən fəaliyyət göstərir.
Alp Xəbər
