Akademik Darxan Kıdıralının müəllifi olduğu bir sıra kitabların təqdimatı keçirilib.
Alp.az-ın məlumatına görə, təqdimatda “Daşa yazılan tarix” kitabının Azərbaycan, türk və qırğız dillərinə tərcümələri, rus dilində nəşr olunan “Türk dünyası: Tarix prizmasından” və türk dilində nəşr olunmuş “Kod adı Türkistan: Mustafa Çokay” sənədli-bioqrafik kitabları ictmaiyyətə nümayiş olunub.
Tədbir Qazaxıstan Respublikasının Milli Akademik Kitabxanasında keçirilib. Tədbirdə Türk Mədəniyyəti və İrsi Fondunun prezidenti Aktoti Raimkulova, Azərbaycan Respublikasının mədəniyyət naziri Adil Kərimli, Qırğızıstan Respublikası prezidentinin müşaviri Arslan Koyçiyev, Qazaxıstan Respublikası prezidentinin müşaviri Bauyrjan Omarov, CICA-nın baş katibi Kairat Sarydori, Türkmənistan, Türkiyə, Özbəkistan, Qazaxıstan Respublikası Prezidenti Administrasiyasının, Qazaxıstan Respublikası Xarici İşlər Nazirliyinin, Qazaxıstan Respublikasının Elm və Ali Təhsil Nazirliyinin, Qazaxıstan Respublikasının Mədəniyyət və İnformasiya Nazirliyinin, TÜRKSOY-un nümayəndələri, habelə Qazaxıstan Respublikası Parlamenti Senatının və Məclisinin bir sıra deputatları, hökumət və ictimaiyyət nümayəndələri, Qazaxıstan Respublikası hökumətinin və ictimaiyyətinin nümayəndələri iştirak ediblər.
Tədbiri giriş sözü ilə Türk Mədəniyyəti və İrsi Fondunun prezidenti Aktoti Raimkulova açıb. O, çıxışında akademik Darxan Kıdıralının türk dünyasının zəngin ortaq irsinin öyrənilməsi və qorunub saxlanması, eləcə də qardaş xalqlar arasında əlaqələrin möhkəmləndirilməsində mühüm töhfələrindən danışıb.
Tədbirdə, həmçinin dövlət və ictimai xadim Mirzatay Joldasbekov, Azərbaycan Respublikasının mədəniyyət naziri Adil Kərimli, Qırğızıstan Respublikası Prezidentinin müşaviri Arslan Koyçiyev, CICA-nın baş katibi Kayrat Sarıbay, dövlət və ictimai xadim Adil Axmetov, Qazaxıstan Respublikası Prezidentinin müşaviri Bauyrjan Omarov və digərləri yeni kitablar haqqında fikirlərini bölüşüblər.
Tədbirdə qeyd olunub ki, “Daşa yazılan tarixi” kitabında müəllifin qəhrəman əcdadlarımızın qədim tarixinə, ümumilikdə türkoloji mövzulara həsr olunmuş elmi və elmi-kütləvi məqalələri yer alıb. Bundan əlavə, “Türk dünyası: Tarix prizmasından” kitabı rusdilli oxucuya türk tarixi və tarixi şəxsiyyətləri haqqında daha aydın təsəvvür əldə etmək imkanı verdiyi üçün xüsusi dəyərlidir.
Nərasimdə “Kod adı Türkistan: Mustafa Çokay” (“Kod adı – Türküstan: Mustafa Şokay”) sənədli-bioqrafik kitabı əvvəllər bir neçə dildə nəşr edilmiş və oxucular tərəfindən yüksək qiymətləndirilmişdir.
