Bu gün Lev Qumilyov adına Avrasiya Milli Universitetində Türk Akademiyası “Tarixin Axarını Dəyişən Döyüş – Çanaqqala 1915” əsərinin qazax, qırğız və özbək dillərində təqdimatı keçirilib.
Alp.az-ın məlumatına görə, elmi seminarda Universitetinin prorektoru Ardak Beysenbay, Beynəlxalq Türk Akademiyasının vitse-prezidenti Ashat Kesikbayev, Türkiyənin Astanadakı səfirliyinin 3-cü katibi Fethi Kurtiy Şahin, Azərbaycan və Özbəkistan səfirliklərinin diplomatları və elmi ictimaiyyətin nümayəndələri iştirak ediblər.
Tədbirin açılışında Türk Akademiyasının vitse-prezidenti Ashat Kesikbayev Akademiyanın prezidenti Şahin Mustafayevin tədbir iştirakçılarına təbrikini çatdıraraq, türk dünyası üçün tarixi əhəmiyyətini vurğulayıb.
“Çanaqqala təkcə hərbi zəfər deyil, həm də türk xalqlarının müstəqillik həsrətinin simvolu, tarixi şüurunun dirçəliş nöqtəsidir. Çanaqqala döyüşü Osmanlı xalqının çətin bir dövrdə birlik və möhkəmlik nümayiş etdirdiyi bir dönüş nöqtəsi idi. Ona görə də Çanaqqala zəfəri olmasaydı, biz bu gün Türkiyə və müstəqil türk dünyası üçün güclü bir türk ola bilməzdik. Çanaqqala döyüşünün nəticələrini gələcək nəsillərə çatdırmaq bizim ümumi borcumuzdur”, – deyə Kesikbayev bildirib.
Akademiyanın vitse-prezidenti onu da vurğulayıb ki, yeni tərcümələr kitabın məzmununun ötürülməsi olmaqla yanaşı, həm də türk xalqlarının gənc nəslinə tanıtmaq cəhdidir.
Tədbirdə Çanaqqala döyüşünün hərbi-strateji aspektləri, cəbhə bölgəsindəki insanların taleyindən, göstərilən qəhrəmanlıq və fədakarlıqlardan hərtərəfli bəhs edilib. İştirakçılar məruzələrlə çıxış edib, fikir mübadiləsi aparıblar.
Nəşrin təkcə tarixi şüurun gücləndirilməsinə deyil, həm də türk xalqları arasında birlik və əməkdaşlığın inkişafına töhfə verəcəyi bildirilib.
