Qazaxıstanın Avrasiya Milli Universitetində dünya rekordçusu, altı dəfə Qazaxıstan çempionu, məşhur pəhləvan Serqey Tsırulnikovla görüş keçirilib.
Alp.az-ın məlumatına görə, motivasiya xarakterli görüşdə məşhur pəhləvan tələbələrə öz uğur yolu haqqında danışaraq, prinsipial, məqsədyönlü olmağın və maneələri aşmağın istiqamətlərini izah edib.
“Daxili potensialın açılması” mövzusunda keçirilən master-klass zamanı idmançı, maneələrin öhdəsindən gəlmək və öz üzərində fasiləsiz işləmək haqqında həyat təcrübəsini paylaşıb . O vurğulayıb ki, uğurun əsas açarı – özünəinam, nizam-intizam və əzmkarlıqdır.
Tədbirin ən həyəcanverici anı Serqey Tsırulnikovun güc nümayişi olub. Görüşdə tələbələrin heyranlıqla izlədiyi məqam isə onun dəmir çubuqları əyməsi, kart dəstələrini cırması və yalnız qollarının gücü ilə ağır əşyaları qaldırması olub.
Şoudan sonra pəhləvan tələbələrlə söhbət edib, onların suallarını cavablandırıb və özünüinkişaf haqqında məsləhətlərini verib.
İştirakçılar görüşün çox ilhamverici olduğunu və onlara yeni nailiyyətlər üçün güc verdiyini qeyd ediblər.
Serqey Tsırulnikovun master-klası universitet üçün əlamətdar hadisəyə çevrilib, tələbələrdə parlaq təəssüratlar yaradıb.
