Torpaq çərşənbəsi, həm də Ramazan münasibətilə Ağcabədi rayonu Qaravəlli kəndində Qaravəlli Xeyriyyə Cəmiyyətinin dəstəyi ilə kəndin bir qrup əhalisinə ət paylanıb.
Tədbirdə ağsaqqallar, şəhid və qazi ataları xeyir-dua ilə iştirak etdiblər. Hər ailəyə 2-3 kq olmaqla ümumilikdə 51 ailəyə ət payı çatdırılıb.
Məlumatda o da qeyd olunub ki, Qaravəlli Xeyriyyə Cəmiyyəti Ağcabədi rayonu Qaravəlli kəndindən olan insanların Rusiyada təşkil etdiyi cəmiyyətdir. Cəmiyyətin büdcəsi üzvlərin ianələri hesabına formalaşır.
Bu xeyriyyə aksiyası Qaravəlli Xeyriyyə Cəmiyyətinin gördüyü ilk xeyir iş deyil. Bundan əvvəl də kənddə 7 km uzunluğunda yolun çəkilməsi, kəndin xəstələrinə müalicələrində kömək edilməsi, Novruz, Ramazan, Qurban bayramı kimi bayramlarda kənd sakinlərinə ərzaq yardımı edilməsi, məktəb şagirdlərinə paltar, məktəb ləzavimatları alınması və digər xeyriyyə işlərinin təşəbbüskarı və maliyyəçisi olublar.
