Almatıda “Türk ölkələrinin tarixi” akademik işinin hazırlanması ilə bağlı toplantı keçirilib.
Sentyabrın 10-11-də Almatıdakı Əl-Farabi adına Qazax Milli Universitetində Türk Akademiyasının təşkilatçılığı ilə türk ölkələrinin tarixinə dair müştərək akademik işin hazırlanmasına həsr olunmuş ikinci işçi iclası keçirilib.
Tədbirdə Türk Akademiyasının prezidenti Prof.Dr.Şahin Mustafayev; Janseyit Tüymebayev, Əl-Farabi adına Qazax Milli Universitetinin rektoru, professor Dr. Türk Tarix Qurumunun sədri Prof.Dr.Yüksel Özgen; Səfir İkram Adırbekov, Türk Dövlətləri Təşkilatı Ağsaqqallar Şurasının üzvü; o cümlədən Türk Dövlətləri Təşkilatına üzv və müşahidəçi ölkələrin tarix və arxeologiya institutlarının direktorları, aparıcı alim və ekspertlər.
Türk Akademiyasının prezidenti prof.dr.Mustafayev çıxışında türk xalqlarının zəngin tarixi irsini sistemli və obyektiv şəkildə təqdim edəcək bu fundamental əsərin hazırlanmasında alimlərin səylərini birləşdirməyin vacibliyini vurğulayıb.
İşçi görüş zamanı iştirakçılar monoqrafiyanın strukturunu ətraflı müzakirə etmiş, təkliflərini bölüşmüş, konkret bölmələr üzrə işçi qrupların formalaşdırılması qərara alınmışdır. Birgə iş nəticəsində monoqrafiyanın ikicildlik məzmunu yekunlaşdırılıb, beynəlxalq işçi qruplarının yaradılması qərara alınıb.
Məlum olduğu kimi, Türk Dövlətləri Təşkilatının 2024-cü il noyabrın 6-da Bişkekdə keçirilən 11-ci Zirvə Toplantısında türk ölkələrinin ortaq tarixinin yazılması ideyası irəli sürülüb. Dövlət başçılarının tapşırığına uyğun olaraq layihənin koordinasiyasını Türk Akademiyası həyata keçirir. Layihənin ilk işçi görüşü bu ilin fevralında Ankarada keçirilib və tərəflər arasında Əməkdaşlıq Protokolu imzalanıb. Həmin vaxt işin ümumi planı və konsepsiyası da dəyərləndirilib, iki cildlik nəşrin hazırlanması barədə qərar qəbul edilib, hər bir iştirakçı ölkədən birgə komitələr yaradılıb.
