Azərbaycan Respublikası Müdafiə Sənayesi Nazirliyinin (MSN) Aparatının rəhbəri Samir Ağabalayevin rəhbərlik etdiyi nümayəndə heyəti Özbəkistan Respublikasında işgüzar səfərdədir.
Alp.az bildirir ki, MSN-nin məlumatına görə, Özbəkistan Respublikasının Müdafiə Nazirliyi yanında Müdafiə Sənayesi Agentliyinin direktorunun dəvəti ilə baş tutan səfərin məqsədi iki ölkə arasında müdafiə sənayesi sahəsində hərbi-texniki əməkdaşlığın inkişaf etdirilməsi istiqamətində fikir mübadiləsinin aparılmasıdır.
Mayın 12-də S.Ağabalayev Özbəkistan Respublikası Müdafiə Sənayesi Agentliyinin nümayəndə heyəti ilə görüşüb. Görüşdə müdafiə sənayesi sahəsində münasibətlərin tənzimlənməsi üzrə mövcud qanunvericilik təcrübəsi müzakirə edilib.
Qeyd edək ki, səfər mayın 15-də başa çatacaq.
