Ordumuz cəbhə boyu əks-hücum əməliyyatlarına başlayandan demək olar ki, hər gün məhv edilən düşmən tanklarının videogörüntülərini izləyirik. Bu, düşmən texnikası Azərbaycan Ordusunun arsenalında olan ən müasir tank əleyhinə silahların köməyi ilə inanılmaz dəqiqlik və böyük uğurla zərərsizləşdirilir.
Alp.az-ın məlumatına görə, tank əleyhinə idarəolunan raket (TƏİR) tankların məhv edilməsi məqsədilə hazırlanmış silahdır. Əsas vəzifəsi tank və ya digər zirehli döyüş maşınlarını vurmaq və məhv etmək olan TƏİR-lər əsasən atəş məsafələrinə görə bir nəfər tərəfindən çiyindən, və ya bir birlik tərəfindən qurulan üçayaqlı qurğulardan, həmçinin helikopterlərdən də atıla bilir.
Çox inkişaf etmiş dördüncü nəsil TƏİR-lər lazer, elektronik görüş sistemlərindən istifadə olunur. Daşına bilən, atəş aç-unut prinsipi ilə işləyən raket hədəfə kilidləndikdən sonra onu idarə etməyə ehtiyac qalmır. Bu sistemə aid olan silahlardan biri də İsrail istehsalı olan “Spayk”dır.
Spayk Raket kompleksi İsrailin “Rafael Advanced Defence Systems” şirkəti tərəfindən istehsal olunur. Raket hədəfi avtonom şəkildə və ya operatorun nişan alması ilə də vura bilir. İkinci halda raketin operator pultuna göndərdiyi videosiqnal əsasında qərar qəbul edilir. Operator artıq havada olan raketin uçuşunu korrektə edə bilir. Görünməyən hədəflərə zərbə endirmək üçün raketə peyk və ya dronlardan əlavə informasiya daxil olmalıdır.
Bu tip komplekslər fortifikasiya tikililəri, mühəndis qurğuları, vacib hava hücumundan müdafiə və digər kompleksləri və dənizdəki obyektlərin məhvi üçün də istifadə edilir. 1 raketin qiyməti 133 min dollardır. Nəzərə çatdıraq ki, qiymətə buraxıcı kompleks daxil deyil.
Kompleks 4 növdə hazırlanıb:
Kiçik mənzilli (1500 m) raket olaraq piyadalar tərəfindən istifadə edilən və çəkisi 12 kq olan Mini SPİKE,
Yüngül daşınan və 800 m uzaqlığa uçaraq şəhər daxilində istifadə üçün nəzərdə tutulan SPİKE-SR, xüsusi təyinatlılar ücün nəzərdə tutulan SPİKE –MR (GİL),
Uzaqmənzilli raket olaraq həm piyadalar həm də zirehli maşınlar tərəfindən istifadə olunan SPİKE-LR,
Ağır uzaqmənzilli raket olaraq zirehli maşınlarda və helikopterlərdə qurulan SPİKE–ER (NT Dendy, ND-D)
25 km radiusunda fəaliyyət göstərən və görünüşdən uzaqda olan hədəfləri vura bilən SPİKE-NLOS. Bu tip komplekslər üçün əlavə koordinasiya və tuşlama vasitələri tələb olunur.
Bu silah Azərbaycandan başqa, Almaniya, İsrail, İspaniya, İtaliya, Kolumbiya, Latviya, Niderland, Peru, Polşa, Rumıniya, Sinqapur, Sloveniya, Finlandiya, Fransa, Çili və Ekvador kimi 25 ölkənin istifadəsində yer alır.
