İsrail Ukrayna ordusunu hava hücumundan müdafiə sistemləri ilə təmin edə bilər.
Alp.az-ın xəbərinə görə, bunu “The Jerusalem Post” qəzetinə müsahibəsində İsrailin müdafiə naziri Beni Qans deyib.
O bildirib ki, İsrail Ukrayna ordusunun hücum silah və texnikaları ilə təchizində maraqlı deyil. Ancaq hava hücumundan müdafiə təyinatlı texnologiyaların inteqrasiyasına razılıq verə bilər.
B. Qans artıq bununla bağlı Ukrayna hökumətinə təklif verdiklərini də söyləyib:
“Biz hətta mülki əhalinin müdafiəsinin təmin olunması məqsədilə zenit sistemlərinin inteqrasiyasını da Ukraynaya təklif etmişik”
Xatırladaq ki, Ukrayna hökuməti İsraildən reaktiv yaylım atəş sistemləri, silahlı dron və “yer-yer” tipli raket sistemlərinin alınmasına dair müraciət ünvanlayıb.
