İsrail Livanın paytaxtı Beyrut şəhərinə havadan raket zərbələri endirilib.
Alp.az-ın xəbərinə görə, bu barədə Livanın Səhiyyə Nazirliyi məlumat yayıb.
Xəbərdə bildirilib ki, İsrailin Beyruta endirdiyi aviazərbələrin qurbanlarının sayı 4-ə çatıb. Ölənlər arasında 4 və 6 yaşlı iki uşaq olub. Onların cəsədləri xilasetmə işləri zamanı aşkar edilib.
Zərərçəkənlərin sayı 74 nəfərə yüksəlib.
Qeyd edək ki, iyulun 30-da İsrail Hərbi Hava Qüvvələrinin qırıcıları Hizbullahın qalası kimi xidmət edən Beyrutun cənubundakı Dahiya bölgəsinə dörd raket zərbəsi endirib.
