İsrailin Ukraynaya hərbi yardım məsələsi ilə bağlı müzakirələrə, bu ölkənin keçmiş baş naziri Benyamin Netanyahu da qatılıb.
Alp.az-ın məlumatına görə, ABŞ-ın MSNBC televiziya kanalına müsahibəsində İsrailin keçmiş baş naziri Benyamin Netanyahu bildirib ki, rəsmi Tel-avivin Ukraynaya silah yardımı etməsi və ya satışını həyata keçirməsi məntiqsiz addım ola bilər.
B. Netanyahu qeyd edib ki, onun bu fikri rusiyayönümlü açıqlama kimi analiz edilməməlidir.
“İsrail silahı Ukraynada hansısa halda iranlı hərbçilərin əlinə keçə bilər. Bu baxımdan İsrailin edəcəyi ən doğru addım Ukraynaya humanitar yardım göndərməsi və qaçqınları sığınacaqla təmin etməsi ola bilər”.
Xatırladaq ki, son 1 ayda Ukrayna İsraildən silah və dronlar alması üçün rəsmi Tel-Avivlə danışıqlar aparıldığını açıqlayıb. Lakin İsrailin ukraynalılara hərbi təyinatlı vasitələr verdiyinə dair fakt yoxdur.
