Qəzzada hərbi əməliyyatların doqquzuncu ayına daxil olduğu bir vaxtda İsrail ordusunun tank və sursatlarının tükəndiyi iddia edilir.
Alp.az-ın məlumatına görə, Ordu.az xəbər verir ki, ordu ölkənin Ali Məhkəməsinə təqdim etdiyi ərizədə Qəzzada hərbi əməliyyatlar zamanı xeyli sayda tankın zədələndiyini və ya tamamilə istismardan çıxdığını bildirib, lakin dəqiq sayı açıqlamayıb.
Bu etiraf İsrail ordusunun zirehli birliklərinə qadın hərbi qulluqçuların da daxil edilməsi tələbi ilə rəsmi müraciətə cavab olaraq verilib.
İsrail ordusunun Baş Qərargah rəisi Herzi Halevi bildirib ki, qadın döyüşçülərin orduya cəlb edilməsi sursat çatışmazlığı səbəbindən 2025-ci ilin noyabr ayına qədər təxirə salınıb.
Məlumata görə, məhkəmə faylında qeyd olunur ki, ordu korpusunda əməliyyat tanklarının sayı müharibə ehtiyaclarını qarşılamaq və qadınların yerləşdirilməsi üzrə eksperimentlər aparmaq üçün kifayət deyil.
