Yaşasaydı bu gün 30 yaşı olacaqdı. Əslində onu ruhu bu gün uğrunda savaşdığı, doöulduğu qarabağda dolaşır. Söhbət 44 günlük vətən müharibəsinin qəhrəmanlarından biri, şəhid Səxavət Məmmədovdan gedir. Alp.az xəbər verir ki, şəhid tankçımız Səxavət Məmmədov 24 may 1991-ci ildə Ağdamın Papravənd kəndində doğulub.
1998-2009-cu illərdə Xəzər rayonu Şüvəlan qəsəbəsi İlqar Muradov adına 237 saylı məktəbdə təhsil almışdır.
Ailəli idi, Dilək və Yusif adında 2 övladı yadigar qalıb.
1 iyul 2009-cu ildə İmişli rayonunda N saylı hərbi hissədə həqiqi hərbi xidmətdə olmuşdur. 2014-cü ildən etibarən müddətdən artıq xidmət edən hərbi qulluqçu kimi Goranboyda yerləşən tank taborunda atıcı vəzifəsində Azərbaycan Silahlı Qüvvələrinində xidmətə başlamışdır.
2014-cü ilin sonlarında öz istəyi ilə ön cəbhəyə Tərtər rayonunda N saylı hərbi hissədə tuşlayıcı vəzifəsində xidmətini davam etdirib. Burada fəaliyyət göstərərkən, Aprel döyüşlərində iştirak edərək şücaət göstərmişdir.
2020-ci ilin iyul ayında Tovuz döyüşlərində iştirak edərək öz xidməti yerinə dönmüşdür.
Azərbaycan Ordusunun əsgəri olan Səxavət Məmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Ağdərə istiqamətində gedən döyüşlərdə iştirak edərək şücaət göstərmişdir. Səxavət yaralı dostlarını döyüş meydanından çıxararkən ağır yaralanır. Qardaşına zəng vuraraq halaləq istəyir. Son sözləri isə bu olur:”Anama de məni bağışlasın”
Səxavət 29 sentyabr 2020-ci ildə şəhid olub.
19 noyabr 2020-ci ildə Ağdam rayonu Şəhidlər xiyabanında torpağa tapşırılmışdır.
Ruhu şad olsun!
