image-ads_2000x150
image-287038568_588306929526013_7043284405022321911_nbackend

Oğuz rayon İcra hakimiyyətindən şəhidə hörmətsizlik: Şəhidin baş daşı dəyişdirilmir 

image-ads_728x90

Bu gün biz işğaldan azad olunmuş şəhər və rayonların mənzərələrinə baxdıqca o torpaqların necə füsunkar təbiəti olduğunu görürük, baxdıqca bu gözəllikdən doya bilmirik, qürurumuz isə içimizə sığmır. Bizə yaşatdıqları bu duyğuları o torpaqlarda qanını tökmüş qəhrəman şəhidlərimizə, sağlamlığını itirmiş qazilərimizə və igid əsgərlərimizə borcluyuq. O, əsgərlərə ki, son damla qanına qədər döyüşərək şəhid oldular. Çoxusu bir dəfə də olsun, ayaq basmadığı vətən torpağında şəhidlik zirvəsinə ucaldı. Hər birimiz onları baş tacımız sandıq. Onlar öz qəhrəmanlıqları ilə baş tacımız olduqlarını subut etdilər. Amma nə yazıq ki, bəzi məmurlarımız bu gün də şəhid ailələrinə, qazilərə hörmətsizlik edirlər. Anlamırlar ki, bu torpaq uğrunda ölənlər vətən deyib savaşa atıldılar. Onlar üçün vətən ayaq qoyduqları bu cənnət idi. Haqqında söhbət acacağımız şəhidimiz Zaur Əliyev də bu torpaq uğrunda canını fəda etdi. Əliyev Zaur Yamən oğlu 1981-ci ildə avqustun 7-si Oğuz rayonu Qarabaldir kəndində doğulmuşdu. Zaur beynəmiləl  bir ailədə doğulmuşdu. Anası gürcü millətindən olan bir xanım, nənəsi isə alman idi. Amma Zaur vətən dediyi bu torpaq uğrunda şəhadətə qovuşdu.

Zaur Əliyev 1999-cu ildin oktyabrın hərbi xidmətə yollandı. 2000-ci ilin noyabrındakı döyüşlərində düşmənə sarsıdıcı zərbə vuran qəhrəmanlardan biri idi. Ağır döyüşlərin birində düşmənin snayper atəşi ilə şəhadətə yüksəldi. Doğulduğu  Oğuz rayon Qarabaldir kənd qəbirstanlığında dəfn edilib.

Bu günə qədər isə şəhdin qəbirüstü abidəsi əbədiləşdirilməyib. Qəbirüstü daşı kiril əlibası ilə yazılıb. Ən dəhşətlisi isə bu günə qədər şəhid ailəsi qanunla müəyyənləşən  Şəhid adının əbədiləşdirilməsi haqqinda qanundan istifadə edə bilmir.   Şəhid ailəsi qəbirüstünü öz vəsaiti hesabına düzəldib. Şəhid ailəsinin mənzilə ehtiyacı olsa da bu günə qədər mənzillə təmin edilməyib.  Nə Oğuz rayon İcra Hakimiyyəti, nə də Əmək və Əhalinin Sosial Müdafiəsi Nazirliyi bu günə qədər şəhid ailəsi ilə maraqlanmayıb. Görünür hər iki qurum baş daşına vurulucaq bir şəkli olmayan şəhid Zaur Əliyevin ailəsini ziyarət edəcək, onların problemləri maraqlanacaq.

Qoşqar Salmanlı

image-ads_728x90

  • whatsapp
  • messenger
  • telegram
  • vkontakte
  • odnoklassniki