44 günlük Vətən müharibəsində qəhrəmanlığı ilə dastan yazan oğullarımdan biri də bu gün doğum günü olan Araz Əliyevdir. Araz kiçik yaşlarından hərb sənətinə bağlı idi.
Şəhid Əliyev Araz Aydın oğlu 1984-ci il 21 iyunda Beyləqan rayonu Kəbirli kəndində anadan olub.
1990-cı ildə M.Fərzəliyev adına məktəbin 1-cı sinifinə gedib. 2002-ci ildə həmin məktəbi bitirib və hərbi xidmətə yollanıb. 2014-cü ildə Beyləqanda yerləşən N saylı hərbi hissədə MAXE işləyib. 2016-cı ildə Aprel döyünündə iştirak edib və fəxri fərmanla tərtif olunub. 2020-ci il sentyabrın 27-sində ikinci Qarabağ müharbəsində Cəbrayıl istiqamətində döyüşüb. Göstərdiyi igidlik və şücaətə görə komandanlıq tərəfindən təltif edilib. Oktyabrın 6-da düşmən mühasirəsini yarmağa çalışarkən ağır yaralanıb. Dostları ilə birlikdə bu mühasirəni yarıb çıxsa da Araz şəhidlik zirvəsinə ucalıb…
Ölümündən sonra “Vətən uğrunda” medalı və “Cəbrayılın azad olunmasına görə” medalı ilə təltif olub. Evli idi. Şəfəq və Günəş adlı iki qız övladı yadigar qalıb. Şəhidin qızları ataları haqqında belə deyib:”Bəlkə bir gün gələcək, Ölməyib mənim atam.”
Ruhu şad olsun!
