“Bu ideyanı öz maraqları naminə Minsk qrupunun həmsədrləri olan Rusiya, Fransa və hətta ABŞ-ın hakim dairələri də yeridir…”
“Odur ki, Xankəndindəki separatçı-terrorçu ocağını tezliklə sülh, yaxud hərb yoluyla məhv etmək gərəkdir…”
“Bu gün bir-birimizi təbrik etməyi düzgün hesab etmirəm. 30 ildən çox əvvəl azadlıq hərəkatı başlayanda Artsax bütün ermənilər üçün bir qürur və simvola çevrildi. Amma biz özümüzdən çox razı idik və sadəcə olaraq öz müqəddəratını təyin etmə haqqının dünyada hər şeydən üstün sayıldığını düşünərək göz qabağındakı gerçəkliklərə əhəmiyyət verməməyi üstün tutduq”.
Alp.az xəbər verir ki, bu fikirləri Qarabağdakı separatçı-terrorçu rejimin tör-töküntülərinin Azərbaycan ordusunun 44 günlük savaşdakı qələbəsindən sonra yasa dönmüş 30 illik üzdəniraq “yubiley”ləri ilə bağlı Xankəndindəki ermənilər arasında keçirilən sorğu zamanı Rusiya müxbirlərinə Aleksandr Balayan ad-soyadlı bir erməni söyləyib.
“İndi, 2020-ci il müharibəsinin mövcud nəticələrindən sonra doğma yurdumuzda azadlıq və yaşam haqqımız uğrunda mübarizəni sıfırdan başlamalıyıq”.
Zəruri şərh:
Qarabağ və Ermənistandakı hələ birinci “dəmir yumruq”dan sonra ağılları başlarına gəlməmiş separatçı, işğalçı və terrorçu xislətli ermənilərə mübarizəni sıfırdan başlamaq ideyasını öz maraqları naminə Minsk qrupunun həmsədrləri olan Rusiya, Fransa və hətta ABŞ-ın hakim dairələri də yeridir. Hələ 44 günlük savaş gedə-gedə və sonra Rusiya prezidenti V.Putin bir neçə dəfə guya Azərbaycanın ədalətli mövqeyini dəstəkləyən biri kimi “Qarabağ beynəlxalq hüquq baxımından Azərbaycanın tərkib hissəsidir” cümləsini işlətdi. Öncəki yazılarımızda da bir neçə dəfə qeyd etdiyimiz kimi, əslində Rusiya liderinin bu cümləsi ermənilərə impuls vermək məqsədi güdür. Yəni Putin onlara demək istəyir ki, Qarabağ tarixi baxımdan Rusiyanın da ola bilər, özünüzü yaxşı aparsanız, sizin də. Və Çar Rusiyası və sovet dövründə olduğu kimi yenidən “Artsax uğrunda mübarizə”nizə şərait yaradıb sizə pay da edə bilərik… Bu cür fikirlərin qaynaq yeri isə hazırda İrəvanla yanaşı, həm də Xankəndidir. Odur ki, oradakı separatçı-terrorçu ocağını tezliklə sülh, yaxud hərb yoluyla məhv etmək gərəkdir ki, “mübarizəni sıfırdan başlamaq” kimi sərsəm ideyaları boş başlara yerləşdirməsinlər…moderator
