Kollektiv Təhlükəsizlik Müqaviləsi Təşkilatı (KTMT) Ukrayna Silahlı Qüvvələrinin Kursk vilayətinə müdaxiləsi ilə əlaqədar münaqişənin gərginləşməsinin yeni mərhələsini diqqətlə izləyir.
Alp.az-ın məlumatına görə, TASS agentliyi bildirir ki, bu barədə KTMT bəyanat verib.
“Hərbi münaqişənin KTMT-nin məsuliyyət zonasına keçməsi eskalasiyanın yeni mərhələsidir. Bizim analitik xidmətimiz vəziyyətin inkişafını diqqətlə izləyir və təşkilatın Nizamnaməsinə uyğun olaraq fəaliyyət göstərəcəyik”.
Eyni zamanda, təşkilat xatırladıb ki, nizamnaməsinə görə, blokdan hərbi yardım yalnız köməyə ehtiyacı olan ölkənin müraciəti əsasında həyata keçirilir:
“Bu günə qədər Kursk vilayətindəki vəziyyətlə bağlı Rusiya Federasiyasından belə bir müraciət olmayıb”.