Ukrayna Belarus ərazisində təxribatlar törətmək məqsədilə ölkəyə silah və partlayıcı maddələr keçirməyə çalışırlar.
Alp.az-ın məlumatına görə, bunu Belarus Təhlükəsizlik Şurasının katibi Aleksandr Volfoviç Minskdə KTMT Parlament Assambleyası Şurasının iclasında çıxışı zamanı bildirib.
O əlavə edib ki, NATO-nun Belarusla sərhəddə mövcudluğunu artırması Minsk və Moskvanı bu qrumu əməlindən çəkindirmək üçün strateji tədbirlər görməyə məcbur edir:
“NATO-nun fəaliyyətində təhlükəli dəyişikliklər qeydə alınır. Onlar tərəfindən silahlı qüvvələrin tətbiqi ilə genişmiqyaslı rezonans doğuran təxribatlar üçün artıq bütün şərait yaradılıb. Bütün bunlar bizi Belarus ərazisində taktiki nüvə silahlarının yerləşdirilməsi üzrə praktiki addımları sürətləndirməyə məcbur edir”.
Volfoviç bildirib ki, Belarus ölkə ərazisində terror aktlarına və qeyri-qanuni silahlı birləşmələrin fəaliyyətinə cavab vermək üçün yaradılmış sistem səmərəli işləyir:
“Müəyyən edilib ki, bunun arxasında Ukraynanın xüsusi xidmət orqanları dayanır. Biz bilirik ki, Rusiya Federasiyası ərazisində də oxşar təxribat-kəşfiyyat qrupları saxlanılıb. Bütün bunlar təhlükəsizliyi pozmağa və ziyan vurmağa yönəlib”.
