Rusiya Federasiyası hökuməti Türkiyənin və Bolqarıstanın bəzi hərbi təyinatlı şirkətlərinə qarşı sanksiya tətbiq edib.
Alp.az-ın əldə etdiyi məlumata görə, Rusiya hökuməti Türkiyənin 20-yə yaxın hərbi təyinatlı məhsulların idxal və ixracı həyata keçirən şirkətlərinə qarşı bu qərarı qəbul edib.
Rəsmi Moskva hesab edir ki, Türkiyənin bu şirkətləri hərbi və ikili təyinatlı məhsulları, o cümlədən sursat istehsalında istifadə olunan xammalı Rusiyadan alaraq, Avropa ölkələrinə satışını həyata keçiriblər. Məqsəd isə bu məhsulların Ukraynaya göndərilməsi olub.
Bununla yanaşı Rusiya Bolqarıstanın tanınmış hərbi sənaye müəssisəsi olan “Arsenal” şirkətinə qarşı da analoji qərar çıxarıb.
Xatırladaq ki, bir neçə il bundan əvvəl ABŞ-da Türkiyənin bir neçə şirkətinə qərb ölkələrində istehsal olunan hərbi təyinatlı məhsulların Rusiyaya satışını həyata keçirdiyinə görə sanksiya tətbiq etmişdi.
Alp Xəbər
