Türkiyə millisinin daha bir futbolçusu legioner həyatı yaşayacaq.
“Fənərbaxça”nın yarımmüdafiəçisi Ozan Tufan karyerasını İngiltərədə davam etdirəcək.
İstanbul təmsilçisi aparıcı oyunçusunun Premyer Liqa klubu “Uotford”a keçidini açıqlayıb. Orta sahə oyunçusu yeni klubuna icarə əsasında yollanıb. Komandalar arasındakı anlaşmaya əsasən, “Uotford” Ozanı birdəfəlik transfer etmək hüququna malikdir.
Qeyd edək ki, Ozan Tufan 2015-ci ildən “Fənərbaxça”nın formasını geyinir.
