Türkiyəli məşhur iş adamı, Acun İlicalının İngiltərənin “Hall Siti” klubunu niyə almaq istəməsi haqqında sensasion iddia yayılıb. Alp.az Türkiyə mətbuatına istinadən xəbər verir ki, Acun Ilıcalı bu klubu uzun illərdir dostluq etdiyi gürcü Şota Arveladzeyə görə almaq istəyir. Mətbuat iddia edir Acun İlicalı klubun alınması ilə bağlı prinsipial anlaşma əldə edib. Satış başa çatdıqdan sonra da komandanın rəhbəri Şota olacaq.
Şota və Acun Ilıcalı uzun müddətdir ki, dostdurlar və futbol haqqında fikir mübadiləsi aparıblar. Arveladze son olaraq 2017-2020-ci illərdə Özbəkistanın “Paxtakor” komandasını çalışdırıb. O vaxtdan bəri boş qalan Şota Türkiyədə “Kayserispor”, “Kasımpaşa” və “Trabzonspor”u çalışdırıb.
