Rusiya Suriyanın paytaxtı Dəməşqin beynəlxalq hava limanına hücuma görə İsrailin BMT Təhlükəsizlik Şurasında qınanılmasını tələb etmək qərarına gəlib.
Bu barədə “Yerusəlim Post” qəzeti məlumat yayıb.
Moskva artıq BMT TŞ üçün qətnamə layihəsi hazırlayıb. Rusiya tərəfinin fikrincə, hücumun təşəbbüskarı kimi İsrail Suriyanın suverenliyi və sabitliyini pozan hücuma görə məsuliyyət daşımalıdır.
ABŞ, İngiltərə və Fransa veto qoya biləcəyi üçün qətnamənin BMT Təhlükəsizlik Şurasının təsdiqini alması ehtimalı azdır.
Bundan əvvəl Rusiya Xarici İşlər Nazirliyi İsraili Dəməşq beynəlxalq hava limanına zərbə endirməkdə ittiham edib. Rusiya tərəfinin iddiasına görə, raket zərbələri nəticəsində limanın yeganə uçuş-enmə zolağına ziyan dəyib.
