Azərbaycanın 44 günlük Zəfər müharibəsində qələbəsindən sonra gündəmə gələn delimitasiya və demarkasiya prosesinin başlanması regionda sülh və tərəfdaşlıq üçün zəmin yaradacaq. Biz Azərbaycan tərəfi tarixdən bizə miras qalan-bağışlamaq və birgə yaşamaq-xasiyyətimizdən əl çəkə bilmirik deyə, yenidən ermənilərlə birgəyaşayış üçün danışqlarda aqresiv mövqe tutmuruq. Olsun, ermənilər bizimlə yaşamaq istəyirsə, biz buna etiraz etmirik. BƏS ERMƏNİLƏR?
Sizə təqdim etdiyim foto bu günlərdə erməni uşaqları üçün bağça və ibtidai sinifdə keçirilən dərslikdən bir hissədir. Erməni əsgəri Türkü və Azərbaycanlını düşmən kimi göstərərək onların öldürülməsini vacib və mühüm olduğunu qeyd edir. Ermənistan təhsil sistemində bağçadan başlayaraq ali məktəb səviyyəsinə qədər onlara aşılanır ki, azərbaycanlılar (türklər) vəhşi, qaniçən və ermənilərin “tarixi torpaqlarına” sahib çıxan işğalçıdırlar. Ermənistanda türk düşmənçiliyi dövlət siyasəti səviyyəsinə qaldırılıb. Uşaq bağçalarından tutmuş, ən yüksək dövlət orqanlarına qədər insanlar türk, Azərbaycan düşmənçiliyi ruhunda tərbiyə edilir. Erməni dərsliklərində uydurma erməni soyqırımı barədə məlumatlar verilir, türkə düşmənçilik təbliğ edilir. Bu cürə tarix dərsliklərində də türklər və Azərbaycan, Türkiyə barədə “gəlmə türklər”, “vəhşi türklər”, “vandalizmin vətəni” kimi ifadələr işlənir. Erməni dərslikləri uzun illərdir qisas almaq vasitəsinə çevrilib. Araşdırmalar bunu bir daha təsdiqləyir ki, dünyada ermənilər öz uşaqlarını qonşu xalqlara nifrət ruhunda böyüdürlər. Onlar beşikdən uşaqlara “türklər sənin düşmənindir”, “türk sənin qanını içib”- deyə təbliğat aparırlar.” Bu fakt bir daha fikirlərimizin doğruluğunu sübut edir.
Erməni təhsil sistemində Jan Radvanyi tərəfindən tərtib edilən xəritə daha çox müraciət olunandır. Xəritədə Azərbaycan ərazisində yerləşən Naxçıvan və Türkiyənin Qars Ərdəhan, İqdır və s. şəhərləri ermənilərin tarixi torpaqları kimi təqdim olunur. Bundan əlavə, xəritədə erməni ərazisi kimi Gürcüstanın Axalkalaki bölgəsi və Qarabağ da göstərilir. Jan Radvanyi yazır: “Əsl Ermənistan ərazisi İstanbuldan Moskvaya Tiflisdən Bakıya qədərdir.”
Əgər biz sülhə hazırıqsa, onlar da buna razı olmalı, təhsil sistemlərindən bu cürə dərslikləri yox etməlidilər, yoxsa belə davam eləsə heç kim təminat vermir ki, sabah yenidən onlar öz işğalçı siyasətlərini davam etməyəcəklər.
Dosent Zaur Əliyev
