Vətən müharibəsinin başlanmasını gözləyən şox igid oğullarımız var idi. Onlar necə ildir düşmən tapdağında olan cənnət Qarabağı işğaldan azad etmək üçün bir əmr gözləyirdilər. O, əmr gəldi. Ali BAŞ Komandan İlham Əliyev torpaqlarımızın işğaldan azad edilməsi üçün ordumuza döyüşə komandası Verdi. Döyüşə atılan oğullarımızdan biri də bu gün doğum günü olan Hadrut fatehi 20 yaşlı Rəsul idi.
Rəsul Kamaləddin oğlu Qazımətov 2001-ci il iyunun 14-də Qusar rayonunun Qayakənd kəndində anadan olub. 2008-2019-cu illərdə Qusar şəhərində 6 nömrəli tam orta məktəbdə təhsil alıb. Subay idi.
Azərbaycan Ordusunun əsgəri olan Rəsul Qazımətov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Xocavəndin azadlığı uğrunda gedən döyüşlərdə savaşıb. Oktyabrın 14-də Hadrut döyüşləri zamanı bədənindən üç güllə yarası almasına baxmayaraq döyüşməyə davam edən Rəsul Qazımətov, Ermənistan tərəfinin atdığı sonuncu, dördüncü güllənin başına dəyməsi nəticəsində şəhid olub. Döyüş dostları Rəsulun 3 güllə yarası almasına baxmayaraq düşmən üzərinə şığıdığının şahidi olur. Onun düşmənin üzərinə sığıması 5 gündür mühasirədə qalan yaralı döyüşçülərimizin mühasirədən çıxmasına şərait yaradır. Rəsul qəhrəmanlıqla çəhid olur.
Bir həftə nəşi neytral ərazidə qaldıqdan sonra oktyabrın 21-də Qusar rayonunda dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Rəsul Qazımətov ölümündən sonra “Vətən uğrunda” medalı ilə təltif edildi.
Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Rəsul Qazımətov ölümündən sonra “Xocavəndin azad olunmasına görə” medalı ilə təltif edildi.
Ruhu şad olsun!
