O gecə keçdi həyat yaddaşımızdan bir ömür
Xiyabanda ucalan baş daşımızdan bir ömür.
Güllə yağdı səmadan şığıdı xalqın üstünə
Qara Yanvar keçirib rüzgarımızdan bir ömür.
Tankların gur nərəsi durğuzdu yatmış Bakını
“Töhfə” oldu qətliam “sarbanımızdan” bir ömür.
Açılan dan üzünü zülm ilə zülmət bürüdü
Qanlı iz düşdü cana düşmanımızdan bir ömür.
Nalələr, ahu-fəğan aldı qəfil ölkəmizi
O məzarlar ki keçib dörd yanımızdan bir ömür.
Daşı mərmər şəkilin üstə puç olmuş qəmə bax
Hərgah olduq muğayat can anamızdan bir ömür.
Ağlayır göydə mələk düm ağarıb saçlarımız
Yol salıb cövrü-cəfa həp canımızdan bir ömür.
Qırmızı rəngdə olan dəmli qərənfillərimin
Məzar üstündə durur rəng qanımızdan bir ömür.
Boğmağa çalışdılar azadlıq hayqırtımızı
Əl-ələ oldu şəhid hər anımızdan bir ömür.
Müstəqillik yolunun ardı açılmış beləcə
Dirçələn etirazdı iz xalqımızdan bir ömür.
Amin Əsgərli
