Putinə yaxınlığı ilə tanınan və Ukraynaya təcavüz edən rus ordularına dəstək verən Çeçenistan lideri Kadırovun “sağ əli” açıqlamaları ilə hər kəsi şoka salıb.
Alp.az xəbər verir ki, Ukraynadakı çeçen qoşunlarına rəhbərlik edən komandir “Putin dayan deməsə, biz Berlinə qədər irəliləyəcəyik”, – deyə jurnalistlərə açıqlama verib.
Fevralın 24-də Rusiyanın Ukraynaya müdaxiləsindən sonra Çeçenistan lideri Ramzan Kadırov da bölgəyə çoxlu sayda döyüşçü göndərib. Rusiya prezidenti Vladimir Putinə yaxınlığı ilə tanınan Kadırov qoşunları ilə birlikdə işğal altındakı Ukrayna torpaqlarına gedib və oradan bütün dünyaya meydan oxuyub.
Müharibə 4 aydır bütün vəhşiliyi ilə davam edərkən, Kadırov cəbhəsindən diqqətçəkən açıqlama gəlib. Rusiya adından Ukraynaya əsgər göndərən Kadırovun “sağ əli” olan komandir son açıqlamasında “Putin dayan deməsə, Berlinə doğru irəliləyəcəyik” deyib.
