“Barselona” “Lion”un hücumçusu Memfis Depayla və “Mançester Siti”nin forvardı Serxio Aquero ilə müqavilələr imzalamağa hazırlaşır.
Kataloniya təmsilçisinin Aquero ilə 2023-cü ilə qədər sözləşmə imzalaması gözlənilir. Depayın müqavilə müddəti ilə bağlı məlumat yoxdu.
Qeyd edək ki, Depay “Lion”da 2017-ci ildən çıxış edir. Klubla oyunçunun müqaviləsi 30 iyun 2021-ci ilə qədər qüvvədədi. Depay 2020/21 mövsümündə Liqa 1-də 36 matç keçirib və 20 qol vurub, həmçinin 10 məhsuldar ötürmə edib.
Aquero “Mançester Siti”yə “Atletiko”dan keçib. Transferin məbləği 40 milyon avro təşkil edib. Hücumçunun klubla müqaviləsi 2021-ci ildə başa çatır. Argentinalı İngiltərədəki karyerasında beş ölkə çempionatını, İngiltərə Kubokunu, altı Liqa Kubokunu, həmçinin İngiltərənin üç Super Kubokunu udub. O, İngiltərə Premyer Liqasının cari mövsümündə 11 matç keçirərək 2 qol vurub və 1 məhsuldar ötürmə edib.
