Rusiya prezidentinin mətbuat katibi Dmitri Peskov jurnalistlərə ABŞ və NATO-nun Rusiyanın təhlükəsizlik zəmanəti təkliflərinə cavablarının həqiqiliyini təsdiqləməkdən imtina edib.
Alp.az xəbər verir ki, bu sənədləri bu gün İspaniyanın “El Pais” qəzeti dərc edib.
“Biz heç nəyi ictimaiyyətə açıqlamamışıq və mən bu barədə şərh vermək istəmirəm. El Pais və ya İspaniya rəhbərliyi ilə əlaqə saxlamaq sizin ixtiyarınızdadır, bilmirəm, amma ən azından bizimlə əlaqə saxlamayın. ”, – deyə Peskov brifinqdə bildirib.
“Məxfi sənədləri kimin yaydığını və haradan aldığı onların problemidir. Müharibə olacaqmı? Məncə ABŞ və NATO özünü oda atmaz. ” deyə Peskov bildirib.
Eyni zamanda, Peskov xatırladıb ki, Rusiya prezidenti Vladimir Putin Moskva üçün fundamental əhəmiyyət kəsb edən məsələlərlə bağlı təkliflərə ABŞ və NATO-nun cavablarına “ümumi konseptual qiymət verib”. Xüsusilə, dövlət başçısı bildirib ki, Qərb tərəfdaşları “Rusiyanın fundamental narahatlığına” məhəl qoymayıblar.
