İspaniyada gürcülərə qarşı əməliyyat: 9 nəfər tutuldu

İspaniyada keçirilən xüsusi əməliyyat nəticəsində cinayətkar qruplaşmanın üzvü olan 9 Gürcüstan vətəndaşı saxlanılıb. Alp.az xəbər verir ki, bu barədə İspaniya mətbuatı yazıb.Məlumata görə, cinayətkar qruplaşma Alikante şəhərində fəaliyyət göstərirmiş. Qruplaşmaya 2017-ci ildə İspaniyaya gəlmiş gürcü qardaşlar rəhbərlik edib.İstintaq materiallarına əsasən, cinayətkar qruplaşma üzvləri sakinlərin ev və mənzillərini izləyiblər, əlverişli məqamda onları soyurmuşlar. Təkcə bir gecədə 5 mənzil soyublar. Əməliyyat zamanı oğurluq zinət əşyaları, külli miqdarda pullar, eləcə də Gürcüstan pasportları aşkar olunaraq götürülüb.
Qeyd edək ki, bu, İspaniyada Gürcüstan vətəndaşlarının ilk həbsi deyil. Avqustun sonlarında cinayətkar qruplaşmanın üzvü olan 3 Gürcüstan vətəndaşı saxlanılmışdı.