Qərb mediası KTMT-nin Qazaxıstan prezidenti Kasım-Jomart Tokayevin təşkilata üzv ölkələrdən sülhməramlıların ölkəyə göndərilməsi ilə bağlı müraciətinin təmin edilməsi ilə bağlı qərarını da diqqətdən kənarda qoymayıb. Avropa və Amerika nəşrlərinin şərhlərində əsas diqqət məhz rus ordusunun asayişin bərpası əməliyyatında oynadığı rola yönəlib. Alp.az xəbər verir ki, əsas diqqət Rusiyanın Qazaxıstana çoxsaylı hərbçilərinin yeritməsi mətbuatın diqqətindən kənarda qalmayıb.
Qərb mediası bu əməliyyatı müstəsna olaraq “milli üsyanın yatırılması” adlandırır və KTMT-yə üzv ölkələrdən Qazaxıstana göndərilən hərbçilərə münasibətdə “sülhməramlılar” ifadəsi yalnız dırnaq içərisində istifadə olunur.
Bu da başadüşüləndir. Çünki Rusiya sülhməramlı adı altında Qazaxıstana ən elit hərbi hissəsini göndərdiyini gizlətmir və bunu Rusiya mətbuatı da təsdiq edir.
Ümümən isə bu təxribatın kim tərəfindən törədildiyi hələ də aydınlaşmayıb. Qərb mediası isə iddia edir ki, Qazaxıstandakı təxribatlar birbaşa Rusiyanın əl işidir.
“Cümə axşamı günü Rusiya ciddi nəzarət altında olan keçmiş Sovet dövlətində ölümcül zorakılığın yayılmasından sonra ümummilli üsyanı yatırmaq üçün Qazaxıstana paraşütçülər göndərdi. Polis ölkənin keçmiş paytaxtı və ən böyük şəhəri Almatıda onlarla iğtişaşçını öldürdüklərini bildirib. Dövlət televiziyası bildirib ki, proses zamanı təhlükəsizlik qüvvələrinin 13 əməkdaşı öldürülüb, o cümlədən ikisinin başı kəsilmiş halda tapılıb”, – Swissinfo-nun müxbiri Olzhas Aeuzov yazır.
Jurnalistin sözlərinə görə, “Nazarbayevin diqqətlə seçilmiş varisi, prezident Kasım-Jomart Tokayev tərəddüd etmədən Moskvanın rəhbərlik etdiyi keçmiş sovet dövlətlərinin hərbi ittifaqı çərçivəsində müttəfiq Rusiyanın qüvvələrini çağırıb. O, iğtişaşlarda xaricdə təlim keçmiş, binaları və silahları ələ keçirmiş terrorçuları günahlandırdı.
Amma reallıq necədir deyə müəllif sual edir?
“Rusiya qoşunlarının sürətlə gəlişi Kremlin keçmiş Sovet İttifaqında öz təsir dairəsini qorumaq üçün qüvvələrini sürətlə yerləşdirmək strategiyasını nümayiş etdirdi”, – Auezov bildirib.
“The New York Times” öz Twitter səhifəsində Rusiyanın Qazaxıstanda baş verənlərdə əsas oyunçu adlandırıb.
İspaniyanın Español News agentliyi isə Rusiyanın SSRİ-ni yaratmaq ideyasının gerçəkləşdiyini önə çəkib.
Fransanın “Qactus” informasiya portalı isə məqaləsində “Rusiyanın keçmiş SSRİ respublikalarının işlərinə növbəti müdaxiləsi” kimi qiymətləndirib.
