Dünən Gorus-Qafan yolundan kənara çıxaraq Azərbaycan ərazisinə keçən iki Ermənistan vətəndaşı geri qaytarılıb.
Alp.az erməni mediasına istinadən xəbər verir ki, bu haqda Ermənistan milli təhlükəsizlik xidməti dünən saat 23: 45 -də məlumat yayıb.
Məlumatda bildirilir ki, Azərbaycan tərəfi Azərbaycan ərazisinə keçən iki nəfəri geri qaytarıb.
Ermənistan milli təhlükəsizlik xidməti qeyd edib ki, bu, onların və Rusiya FTX sərhədçilərinin həyata keçirdikləri tədbirlər nəticəsində əldə edilib.
Qeyd edək ki, daha əvvəl Ermənistan milli təhlükəsizlik xidməti, Ermənistanın Kotayk bölgəsindəki Kasax kəndinin iki sakininin Goris-Qafan yolu ilə hərəkət edərkən yoldan çıxdıqları və Azərbayca ərazisinə keçdikləri barədə mesajı yaymışdı.
