“Kiyevi müdafiə etsək, dövləti də müdafiə etmiş olacağıq”
“Hazırda Xarkov və Kiyev Rusiya üçün ən vacib hədəflərdir”. Alp.az “Unian.net”ə istinadən bildirir ki, bu sözləri Ukrayna Prezidenti Volodimir Zelenski xalqa növbəti müraciətində bildirib.
Ölkə başçısı deyib ki, Kiyevin müdafiəsi Ukrayna üçün əsas prioritetdir: “İndi Xarkov və Kiyev Rusiya üçün ən vacib hədəflərdir. Rusiyanın terroru bizi sındırmağa, müqavimətimizi qırmağa yönəlib. Onlar Xarkova və eyni şəkildə paytaxtımıza doğru gəlirlər. Ona görə də bu gün paytaxtın müdafiəsi dövlət üçün əsas prioritetdir”
Prezident vurğulayıb ki, Ukrayna bütün şəhərlərdə düşməni dayandırmaq üçün əlindən gələni etməlidir: “Bunun üçün hər bir şəhərin hərbi və mülki orqanları möhkəm dayanmalıdırlar”.
“Lakin Kiyev xüsusidir. Kiyevi müdafiə etsək, dövləti də müdafiə etmiş olacağıq. Kiyev ölkəmizin ürəyidir və o döyünməlidir”, – dövlət başçısı əlavə edib.
