44 günlük Vətən müharibəsində möhtəşəm qələbə qazanan Azərbaycan ordusu tarix yazdı. Lakin müharibədən sonra bir çox internet televiziyalarında savaşda olmayan və yaxud savaş zamanı arxa cəbhədə gizlənən insanları hərbi birlikləri formalarını geyinərək müsahibə verməyə başladılar. Bu gün internet televiziyalarında və saytlarda özünü XTQ və yaxud SAT kimi təqdim edən onlarla videogörüntü yayılır. Bəziləri bu qoşun növlərində xidmət etdiyini yalandan efir vasitəsilə çatdırır. Alp.az xəbər verir ki, Vətən müharibəsində canını qoyan oğullarımızın haqqını yeyən və onların adından danışan bu saxta qəhrəmanlar haqqında hərbi ekspert Ədalət Verdiyev öz fikirlərini bildirib. Hərbi ekspert həyəcan təbili çalaraq hüquq mühafizə orqanlarından kömək istəyib. Ədalət Verdiyevin sosial şəbəkədə yazdığı statusunu təqdim edirik.
“Azərbaycan tərəfindən müharibədə iştirak edənlər arasında motoatıcı, tankçı, topçu, qumbaraatan, rabitəçi, istehkamçı, sanitar olmayıb. Belə çıxır ki, hamı ya XTD-də, ya da SAT-da xidmət edib. 1992-94-də olanlar toya bayrama getməli oldu. Dovşan ovunda yaralanan “Ölməz Kaşşeyin” ölüsünə dirisinə rəhmət oxumasaq yaxşıdır.
Çıxış yolu kimi təklifim: Aidiyyəti qurumda xidmət etməyərək, onun formasını daşıyanlar, elit bölmələrin adına ləkə gətirərək internet tv efirlərində yalan məlumat verənlər üçün tədbir görülsün. Artıq say durmadan artır. “
“XTQ və SAT formasını geyinənlər…” – Hərbi ekspert güc strukturlarını tədbir görməyə cağırdı
