Azərbaycan – Ermənistan sərhəddində baş verənlər bağlı məşhur “Кавказский Узел” portalı yazı hazırlayıb Portal yazıda hərbi ekspertlərin fikirlərinə də yer verib. Yazını ixtisarla təqdim edirik.
Hərbi ekspert, Azərbaycan Müdafiə Nazirliyinin informasiya-analitik şöbəsinin keçmiş əməkdaşı Azad İsazadə hesab edir ki, Ermənistan-Azərbaycan sərhədində vəziyyətin niyə pisləşdiyini birmənalı qiymətləndirmək çətindir.
İsazadə qeyd edib ki, Kəlbəcər və Laçın rayonlarında ermənilər təxribata əl atıblar.
“Hərbi Hüquqşünaslar” QHT-nin rəhbəri Telman Əbilov hesab edir ki, taktiki və strateji məqsədlərlə sərhəddə vəziyyəti gərginləşdirməyə çalışan Ermənistan tərəfi olub.
“30 ilə yaxındır ki, burada sərhəd olmayıb, çünki erməni qoşunları Azərbaycanın dərinliklərində olub. Yaz-yay aylarında Azərbaycan ordusu burada fəal şəkildə mövqelər tutmağa və onları təchiz etməyə başladı. İndi Ermənistan Silahlı Qüvvələri burada, dağlıq ərazilərdə əlverişli mövqelər tutmağa, möhkəmlənməyə çalışıb. Təbii ki, Azərbaycan tərəfi imkan verə bilməz ki, düşmən özünə güclü bazalar yaradaraq oradan təhdid etsin. Erməni tərəfinin son günlər hərbi fəaliyyəti genişmiqyaslı silahlı toqquşmalara səbəb olub”, – Əbilov bildirib.
Hərbi ekspert, ehtiyatda olan mayor Ədalət Verdiyev sərhəddə baş verənləri şərh edərkən əvvəllər vurğulamışdı ki, “Azərbaycan ordusu öz ərazisində fəaliyyət göstərir”. Ekspert deyib: “Azərbaycan əsgəri öz ərazisində müharibə aparır. Bu ərazilər ermənilər tərəfindən işğal edilib və biz öz ərazimizi bərpa edirik. Azərbaycan yaxın zamanda Zəngəzur dəhlizinin açılmasına nail olacaq.”. .
Hərbi ekspert, ehtiyatda olan zabitTərlan Eyvazov Azərbaycan Silahlı Qüvvələrinin hərbi əməliyyatlarını “məqsədi Ermənistan ordusunun Azərbaycan ərazilərini ələ keçirməsinin qarşısını almaq olan cavab tədbirləri” kimi qiymətləndirib.
www.kavkaz-uzel.eu
Tərcümə ALP.AZ
