İctimaiyyətdə tanınan bir neçə hərbi ekspert və hərbi mövzulardan yazan jurnalistlər bundan sonra fəaliyyətlərini koordiasiyalı şəkildə qurmaq üçün təşkilat yaratmağı qərarlaşdırıblar.
Alp.az xəbər verir ki, bu məqsədlə bir araya gələn ekspertlər və jurnalistlər mövcud vəziyyəti və gələcək fəaliyyət istiqamətlərini müzakirə ediblər.
Görüşdə tanınmış hərbi ekspertlər Elxan Şıxəliyev, Tərlan Eyvazov, Rövşən Məhərrəmov, Üzeyir Cəfərov, Ədalət Verdiyev, Ramin Məmmədli, Elmar Hüseynov, “Səngər” Tv-nin baş redaktoru Aqil Alışov və jurnalist Səxavət Məmməd iştirak ediblər. Hərbi ekspert Şair Ramaldanov da bu təşəbbüsü dəstəklədiyini bildirib.
Müzakirələrdən sonra qərar verilib ki, növbəti toplantıya qədər yaradılacaq koordiasiya şurasının əsasnaməsi hazırlansın və təşkilat formalaşsın.
Səxavət Məmməd
