Rusiyada yeni qanun qüvvəyə minib. Alp.az Rusiya hərbi mediasına istinadən xəbər verir ki, bundan sonra Rusiyada yüksək rütbəli zabitlər yalnız ölkə prezidentinin qərarı ilə ehtiyyata buraxılacaq.
Bir sözlə bundan sonra Rusiyada ordunun marşalı və generalının nə qədər sıralarda qalacağına prezident qərar verəcək.
“Rossiyskaya qazeta” 388-FZ saylı qanunu dərc edib. Bu qanun hərbi xidmətdə olmanın yaş həddini artırır və hərbi rəhbərlərlə yeni müqavilə bağlamaq prosedurunu bir qədər dəyişir.
Bu sənədə əsasən, ölkə prezidentinə yaş həddi çatmış yüksək rütbəli zabitin sıralarda nə qədər müddətə qalması barədə qərar vermək səlahiyyəti verilir. Bu vəziyyətdə, Rusiya Federasiyasının marşalı, ordu generalı və donanmanın admiralı rütbəli hərbçiləri, əvvəllər qüvvədə olan qaydalara görə xidməti 65-də bitməli idi.
“Hərbi vəzifə və hərbi xidmət haqqında” qanunun 49-cu maddəsində qeyd olunurdu ki, belə adamlar istənilən halda 70 yaşında vəzifədən azad edilməlidir. Yeni qanun bu məhdudiyyəti aradan qaldırıb.
Dövlət Dumasının Müdafiə Komitəsinin sədri Andrey Kartapolovun sözlərinə görə, bu cür dəyişikliklər ölkənin müdafiəsinin təmin edilməsinə və böyük təcrübəyə, yüksək inkişaf etmiş peşəkar vacib keyfiyyətlərə malik və istənilən üstünlük təşkil edən şəraitdə qarşısına qoyulan vəzifələri yerinə yetirməyə qadir olan yüksək rütbəli zabitlərin hərbi xidmətdə saxlanmasına müsbət təsir göstərəcək.
Qanunun qəbuluna qədər general-leytenant, vitse-admiral, general-mayor və kontr-admiralların xidmət yaş həddi 60 ilə məhdudlaşdırılmışdı. 1-ci rütbəli polkovniklər və kapitanlar – 55. Başqa rütbədə olan peşəkar hərbi qulluqçular – 50 yaşda xidmətdən azad edilirdi.
