Rusiyanın tərkibinə daxil olan Qaraçay-Çərkəz Respublikasında terror aktının qarşısı alınıb.
Alp.az xəbər verir ki, bu barədə Rusiyanın Federal Təhlükəsizlik Xidməti məlumat yayıb.
Bildirilib ki, hüquq-mühafizə orqanlarının əməkdaşlarına qarşı terror aktı törətmək istəyən 2001-ci il təvəllüdlü yerli sakin saxlanılıb.
Sözügedən gənc hücumu İŞİD yaraqlılarının təlimatına əsasən hazırlayıb. Saxlanılan şəxsin evində aparılan axtarış zamanı əldəqayırma partlayıcı qurğunun hazırlanması üçün alətlər və lazımi materiallar, içərisində cinayətkarlarla yazışma olan mobil telefon aşkar olunub.
