Rusiyanın Su-75 Checkmate və Su-57 təyyarələrinin ilk dəfə fotoları yayımlanıb. Alp.az Rusiya hərbi mənbələrinə istinadən xəbər verir ki, ilk dəfə olaraq Rusiya hərbi təyyarə sənayesinin iki əsas ixtirasını Checkmate və Su-57E birlikdə nümayiş etdirilib.
Su-57E iki mühərriklə təchiz edilmiş çoxfunksiyalı döyüş təyyarəsidir. Təyyarə Su-57-nin ixrac versiyası kimi yaradılıb. O, yüksək performans xüsusiyyətlərinə və gizli texnologiya əlamətlərinə malikdir.
Su-57 prototipi ilk uçuşunu 29 yanvar 2010-cu ildə həyata keçirib. 2019-cu ildə qırıcının seriya istehsalına başlanılıb. Həmin ilin dekabrında ilk istehsal təyyarəsi sınaqlar zamanı qəzaya uğradı, beləliklə, ilk təyyarə yalnız bir ildən sonra Aerokosmik Qüvvələrinə təhvil verildi.
2019-cu ilin iyununda Müdafiə Nazirliyi ilə “Sukhoi Company” PJSC arasında imzalanmış müqaviləyə əsasən, Silahlı Qüvvələrə 76 ədəd Su-57 təyyaraəsi təhvil verilməli idi.
Su-75, beşinci nəsil çoxfunksiyalı qırıcıdır. Su-57-dən fərqli olaraq onun yalnız bir mühərriki var. Ehtimal olunur ki, bu qırıcı Su-57-dən daha ucuz olacaq və dünya bazarında tələbatla öyünə biləcək.
Su-75-in maksimum yanmayan sürəti M = 1,8-dir. Praktik uçuş məsafəsi 2800 kilometrdən çoxdur. Döyüş yükünün kütləsi 7000 kiloqramdan çoxdur. Qırıcı gizli texnologiyadan istifadə edərək hazırlanıb, müasir aviasiya silahlarının geniş arsenalından istifadə edə bilir.
