Kazan məktəbində atışma olub, nəticədə bir müəllim və səkkiz uşaq ölüb. 4 nəfər də xəstəxanaya yerləşdirilib.
Bu haqda məlumatı “RİA Novosti” agentliyi bölgənin təcili yardım xidmətlərinə istinadən yayıb.
Bundan əvvəl naməlum şəxslərin təhsil müəssisəsinin yaxınlığında atəş açdıqları və daha sonra partlayışın olduğu bildirilmişdi.
İlkin məlumatlara görə, bir gənc atəş açıb. Onun nəzarətə alındığı deyilir. İndi uşaqlar evakuasiya olunur.
Hadisə Faizi küçəsi-8-də yerləşən 175 saylı məktəbdə qeydə alınıb. Rəsmilər hələ də şərh verməkdən imtina edirlər.
Hadisə yerinə 21 təcili yardım maşını göndərilib. Tatarıstan prezidenti Rüstəm Minnixanov, respublikanın səhiyyə naziri Marat Sadıkov və bölgə prokuroru İldus Nafikov da oraya gedib.
