Rusiyanın Hərbi-Texniki Əməkdaşlıq üzrə Federal Xidmətinin rəhbəri Dmitri Şuqayev Hindistan üçün S-400 hava hücumundan müdafiə sisteminin tədarükünə başlanıldığını açıqlayıb.
Alp.az xəbər verir ki, bu barədə D.Şuqayev TASS-a danışıb.
Qeyd edək ki, Hindistan və Rusiya arasında S-400 hava hücumundan müdafiə sistemlərinin alınmasına dair ümumi dəyəri 5,4 milyard dollar dəyərində müqavilə 2018-ci ilin noyabrında imzalanıb. Hindistanın Baş naziri Narendra Modi ilə Rusiya Prezidenti Vladimir Putin arasında aparılmış geniş danışıqlar nəticəsində razılaşdırılan sazişin bir hissəsi olaraq çatdırılmaların 2023-cü ilin aprelində yekunlaşdırılması gözlənilir.Publika
