Ermənistanın keçmiş müdafiə naziri və “Hayastan” blokunun rəhbəri Seyran Ohanyan bu gün parlamentdə jurnalistlərə bildirib ki, Koçaryanın və Sarkisyanın dövründə Rusiya Ermənistana milyard dollarla hesablanan silahlar verib.
“Hərbi-texniki əməkdaşlıqla bağlı ilk böyük müqavilə Robert Köçəryanın rəhbərliyi altında Rusiya ilə bağlanıldı. Onun dövründə ilk 3 ədəd S-300 sistemi İrəvana çatdırılıb, üstəlik Moskva 2 ədəd İl-76 təyyarəsi bağışladı”, -Ohanyan bildirib.
Ohanyan əlavə edib ki, başqa bir təyyarə Serj Sarkisyanın dövründə alınıb və onların ümumi dəyəri təxminən bir milyard dollara çatır.
Ohanyan, Müdafiə Nazirliyinə rəhbərlik etdiyi dövrdə Rusiyadan 1300 -ə yaxın hava reysi edildiyini və bu müddət ərzində Ermənistana silah çatdırıldığını qeyd etdi.
“Xüsusilə, S-300, Toçka-U, İskəndər. Ermənistan Silahlı Qüvvələrinə silah tədarükü prosesi həmişə həyata keçirilib. Və bu təchizatlar 2018-ci ildən sonra baş verənlərlə müqayisə olunmazdır”,-Ohanyan vurğulayıb.
O qeyd etdi ki, öz səyləri ilə – tanışlar, xeyirxahlar vasitəsilə – ordu üçün maddi qaynaqların köməyi nəticəsində 11 milyon dollar dəyərində şirkət avtomobilləri əldə edib.
P.S. Hər bir aviadaşıma Rusiyaya çox baha başa gəlir. Əgər Zəngəzur dəhlizi açılarsa, Rusiya havadarlıq etdiyi Ermənistana silahları Azərbaycanın ərazisindən keçrməklə dəmiryolu vasitəsilə çatdıracaqmı? Zəngəzur dəhlizi açılmazdan əvvəl bu yoldan ancaq mülki yüklərin və sərnişinlərin daşınmasının mümkünlüyü bəndi mütləq qeyd edilməlidir.moderator
