2018-ci ildən sonra Müdafiə Sənayesi Nazirliyindəki kütləvi işdən çıxma və çıxarılmaların sayı artmaqda davam edir.
Alp Xəbər-in əldə etdiyi məlumata görə, son vaxtlarda işdən çıxmaq qərarına gələn peşəkar mühəndis və konstruktor-mühəndislər də MSN-dəki işgüzar mühitdən narazı qaldıqlarından oradan uzaqlaşıblar.
Artıq son 2 il ərzində Müdafiə Sənayesi Nazirliyinin mühəndisləri Azad Məmmədov, Cavid Məmmədov və Emin Əhmədov tutduqları vəzifələrdən istefa veriblər.
Qeyd etmək lazımdır ki, hər üç mühəndis Azərbaycanın milli atıcı silah istehsalına öz imzalarını atmış mühəndisləridir. Adıçəkilən şəxslər silah sənayesində yaradılma və istehsal sahəsində bir neçə ciddi layihələrə imza atıblar.
