Milli Məclsin deputatları Jalə Əhmədova və Azər Kərimli Azərbaycan və Estoniya arasında diplomatik münasibətlərin qurulmasının 30 illiyi ilə əlaqədar Estoniyaya səfər ediblər. Millət vəkil Jalə Əhmədova
görüşlə bağlı öz fikirlərini Alp.az-a bölüşüb: “Azərbaycan və Estoniya arasında diplomatik münasibətlərin qurulmasının 30 illiyi ilə əlaqədar Estoniyaya səfərimiz çərçivəsində, bu gün deputat həmkarım Azər Kərimli, Azərbaycanın Estoniyadakı səfiri Anar Məhərrəmov ilə birgə Estoniya Riigikogunun (parlament) sədri Yuri Ratas və Estoniya-Azərbaycan parlamentlərarası işçi qrupunun üzvləri ilə görüşdük. Yuri Ratas, iki ölkə arasında diplomatik münasibətlərin yüksək səviyyədə olmasını, parlament qruplarının sıx və səmərəli əməkdaşlığını qeyd etdi. Görüş zamanı, həmçinin Azərbaycan və Estoniya arasında siyasi dialoqun davam etdirilməsi, hər iki ölkənin parlamentləri arasında əməkdaşlığın daha da genişləndirilməsi məsələləri, Azərbaycan və Ermənistan arasında siyasi dialoqun hazırkı vəziyyəti müzakirə edildi”.
