image-ads_2000x150
image-2backend

Milli Məclis üzvləri Estoniya-Azərbaycan parlamentlərarası işçi qrupu ilə görüşüb 

image-ads_728x90

Deputat Jalə Əhmədova: “Estoniyaya səfərimiz çərçivəsində baş tutan növbəti görüşümüz Estoniya-Azərbaycan parlamentlərarası işçi qrupu ilə oldu. İşçi qrupunun sədri Sven Sester, qrupun üzvləri Mihail Korb, İqor Kravçenko, Rayvo Tamm, Ayvar Syerd, Aadu Mustun iştirakı ilə keçirilən görüşdə, iki ölkə arasında siyasi-diplomatik münasibətlərin uğurla davam etdirilməsi və bu münasibətlərdə parlamentlərin müsbət rolu qeyd edildi. Eləcə də yüksək səviyyədə olan parlamentlərarası dostluq qruplarının gələcək planlarını müzakirə etdik.
Səmimi ab-havada keçən görüşdən sonra estoniyalı həmkarlarımız bizi Riigikogun iclas zalı ilə tanış etdilər. Habelə Estoniya tarixinin ayrılmaz hissəsi sayılan Toompea qalasının German qülləsinə qalxdıq. Onu da qeyd edim ki, Estoniyanın tarixində xüsusi əhəmiyyət daşıyan German qülləsinə qalxmaq üçün 225 pilləkən qət etməli olduq. German qülləsinin zirvəsində, dəniz səviyyəsindən 95 metr yüksəklikdə ölkənin müstəqilliyinin rəmzi olan Estoniya bayrağı dalğalanır.

Görüş zamanı, Sven Sesterin Estoniya-Azərbaycan parlamentlərarası əlaqələr üzrə işçi qrupu adından bizə xatirə hədiyyəsi təqdim etməsini isə şəxsimizə göstərilmiş yüksək diqqət olaraq dəyərləndirir və eston dostlarımıza həm öz adımdan, həm də deputat həmkarım Azər Kərimlinin adından dərin təşəkkürlərimi bildirirəm”.

image-0 image-2 image-3 image-4 image-6 image-7 image-8 image-9

image-ads_728x90

  • whatsapp
  • messenger
  • telegram
  • vkontakte
  • odnoklassniki