Rusiyanın xarici işlər naziri Sergey Lavrov rusiyalı avtomobil daşıyıcılarına hazırda infrastrukturun bərpa olunduğu Qarabağda işləmək imkanlarını nəzərdən keçirməyi təklif edib. Bu barədə TASS agentliyi məlumat yayıb.
“İndi orada infrastrukturun və magistral yolların bərpası ilə bağlı aktiv işlər görülür. Buna görə də, bu perspektivli əraziyə daha yaxından nəzər salın. Məncə, bunun açıq şəkildə iqtisadi faydaları olacaq”, – deyə S.Lavrov Beynəlxalq Avtomobil Daşıyıcıları Assosiasiyası ilə keçirilən görüşdə vurğulayıb.
S. Lavrov əlavə edib ki, onun ölkəsinin qonşuluğunda yerləşən bu bölgədə Rusiyanın fəal iştirakı ilə iqtisadi inkişafın olması vacibdir.
P.S. Lavrovun bu cağırışı əslində Rusiyanın iç üzünü açır. Sülhməramlı kontingentin missiyası tikinti aparmaq və yaxud hansısa yaşayış binası tikmək deyil. Görünən odur ki, Rusiyanın Qarabağda böyük arzuları var.
