Ermənistanın ikinci prezident Robert Köçəryan Qarabağda hakimiyyəti ələ keçirmək istəyir. Bu iddia ilə ermənilərin armdaily.am saytı çıxış edib. Alp.az xəbər verir ki, erməni saytı iddia edir ki, onun dünən keçirtdiyi mətbuat konfransı bu nüanslardan xəbər verir.
“Robert Köçəryan üzərinə öhdəlik götürüb. Qarabağda baş verən təxribatlar da məhz Rusiyanın əli ilə həyata keçirilir. Aydındır ki, artıq Ermənistandan Qarabağa əsgər göndərilmir. Birmənalı olaraq ermənilər Qarabağ üçün savaşmaq istəmirlər. Onlar indi anlayırlar ki, Qarabağ oyunu Robert Köçəryanın və onun komandasını ambisiyaları üçün lazım idi. Heç bir erməni öz övladını Qarabağa göndərmək istəmir. İndi bu tendesiyanı aradan qaldırmaq üçün müharibə şousu yaratmaq istəyirlər. Bəli Robert Köçəryan və onun komandası Rusiyanın diktəsi ilə Qarabağda yeni müharibə şousuna hazırlaşır. Bir sözlə Robert Köçəryan Qarabağda hakimiyyətə yiyələnir. Artıq Araik Arutunyan da getməyə hazırlaşır. Bu Rusiyaya da lazımdır və son günlər Robert Köçəryanın aktivləşməsi buna hesablanıb.” -müəllif yazır.
