image-ads_2000x150
image-338948ceaf0cd61e805df99d948b5702backend

Kanadadan Putinlə bağlı ŞOK QƏRAR  

image-ads_728x90

Ukraynadakı vəziyyətlə əlaqədar Kanada hakimiyyəti əvvəllər Kanada sanksiyalarına məruz qalan 1000-ə yaxın Rusiya vətəndaşının, o cümlədən prezident Vladimir Putinin öz ərazilərinə girişini qadağan etmək qərarına gəlib.

Alp.az xəbər verir ki, bu barədə Şimali Amerika ölkəsinin ictimai təhlükəsizlik naziri Marko Mendiçino “Twitter”də yazıb.

Onun sözlərinə görə, Kanada Ukraynanı dəstəkləyir və Rusiyanı hesaba çəkmək niyyətindədir.

“Məhz buna görə də biz indicə minə yaxın rusiyalının, o cümlədən Putin və onun ətrafının üzvlərinin Kanadaya girişinə qadağa qoyduqlarını elan etdik”.

O, bu şəxslərin daha əvvəl Kanadanın sanksiya siyahılarına daxil edildiyinə aydınlıq gətirib.

Mendiçino deyib ki, sanksiyalara məruz qalmış şəxslərə vizaların verilməməsinə imkan verən miqrasiya qanunvericiliyinə müvafiq dəyişiklik edilib.

Ottava Ukraynada baş verən hadisələrdə əli olduğuna inandığı rusları dəfələrlə qara siyahıya salıb. Bu siyahıya salınması onların Kanadadakı aktivlərinin dondurulacağı, özlərinin isə ölkəyə girişinə qadağa qoyulması deməkdir.

image-ads_728x90

  • whatsapp
  • messenger
  • telegram
  • vkontakte
  • odnoklassniki