Ötən gün Rusiyanın Liberal Demokrat Partiyasının lideri Vladimir Jirnovskidə kəskin möqve dəyişikliyinin şahidi olduq. O deyib ki, Ermənistanı dəstəkləməkdən imtina etməliyik. Halbuki, Jirnosvki illərdir ermənipərəst mövqeyi ilə tanınıb. Bəs, görəsən, onu bu mövqe dəyişikliyinə nə vadar etdi?
Mövzu ilə bağlı politoloq Nəzakət Məmmədova Moderator.az -a danışdı.
“Jirnosvki elə bir siyasətçidir ki, onun çıxışları hər zaman sensasiya doğurur. Onun siyasi etikaya və diplomatik nəzakət qaydalarına uyğun olmayan çıxışları daima diqqət mərkəzində olub.
Hər kəs başa düşür ki, Jirnovsnki şəxsi xarakter etibarı ilə normal düşüncəyə sahib olan şəxs sayıla bilməz. Eyni zamanda, onun sensasiya yaratmaq istəyi, populizmi var. Jirnosvki Rusiya dövlətinin sərt ritorikasını vulqar dildə, hətta jarqon ifadələrlə bəyan edənlərdəndir. Xarakter etibarı ilə özü də qalmaqala meyilli şəxsdir. Görünür, onun bu xarakteri Rusiya dövlətinə sərf edir ki, onun dili ilə çox açıq şəkildə diplomatik qaydaları kobudcasına tapdalayaraq dövlət başçılarının, ölkələrin və xalqların ünvanına nalayiq ifadələr işlədir”.
Jirnsovkini Rusiya siyasətinin bir reallığı adlandıran ekspert onun kimliyinin də tam bəlli olmadığını iddia etdi: “Onun atası yəhudidir və atasının soy adından imtina edib, heç anasının da soy adını götürməyib. Özünə müəmmalı şəkildə hazırkı soyadını qəbul edib. Bu da bəzi qaranlıq məqamlardan xəbər verir. Jurnsovkiyə bəzən elə Rusiyanın özündə Kremlin “təlxəyi” də deyirlər.
N. Məmmədova Jirnovkinin zaman-zaman bir çox ölkələrə təhdidlər yağdırdığını da qeyd etdi: “Belə ki, Amerikadan tutmuş digər dünya dövlətlərini hədəf alaraq, onların xalqlarını təhqir və təhdid edir. O, nə ermənipərəst, nə də Azərbaycanpərəstidr. O, tipik rus şovinistidir. O, şovunistcəsinə guya Rusiyanın maraqlarını təbliğ və müdafiə edir. Lakin bu adam üçün Rusiyanın imperialist maraqları var. Ola bilər ki, pərdəarxası məsələlərdə ermənilər qeyd olunduğu kimi ona maliyyə ayırmayıblar və ya hansısa sövdələşmələri baş tutmayıb. Necə ki, Zatulinə, Solovyova və başqa şovinistlərə böyük pullar ayrılır. O səbəbdən belə etməsi də mükündür. Yaxud da Rusiya Ermənistana hazırda hansısa təzyiqlər göstərməyə çalışır, bunu Jirnosvkinin dili ilə edir. Digər tərəfdən, bu, Jirnovskinin ermənilərə qarşı şəxsi ədavət hissindən də irəli gələ bilər, yaxud da Rusiya dövlətinin sifarişi də ola bilər. Digər tərəfdən, bildiyimiz kimi, seçkilərdə Putinin Vahid Rusiya partiyası birinci yeri, Kommunist Partiyası ikinci yeri tutub. Jirinivskinin liberal-demokratlarına isə 3-cü yeri verdilər. Bu, o deməkdir ki, Rusiyada SSRİ-nin bərpası və ətraf ölkələrdə öz nüfuz dairəsini artırmaq siyasəti hakim olacaqdır. Yəqin ki, Jirinovski də öz əvvəlki postunu yenidən tutmaq istəyir. Axı, o, həm də 5 dəfə Rusiya prezidentliyinə iddia etmiş şəxsdir. Bu isə o deməkdir ki, Jirinovski bundan sonra da Rusiya siyasətində qalmağa davam edəcək. İmperiya maraqları olan ölkələrin belə şovinist siyasət adamlarına hər zaman ehtiyacı olur, Jirinovski də bu rolunu çox gözəl oynayır.”
