İsrail Müdafiə Nazirliyi və “Rafael” şirkəti raket və PUA-ları tuta bilən lazer sisteminin uğurlu sınağını keçirib.
Alp.az xəbər verir ki, bu barədə İsrail Müdafiə Nazirliyi məlumat yayıb.
“PUA, minaatan mərmisi, raket və tank əleyhinə raket uğurla məhv edilib”, – deyə bildirilib.
Müdafiə naziri Benni Qantz lazer raketdən müdafiə sisteminin ilk uğurlu sınaqlarını qlobal sıçrayış adlandırıb:
“İndi məqsədimiz sistemi mümkün qədər tez işə salmaqdır. Bu bizi effektiv, qənaətcil və innovativ mühafizə vasitələri ilə təmin edəcək”, – Qantz bildirib.
